د حکومت وياند ذ.م له يوې بهرنۍ رسنۍ سره مرکه کې ويلي، د پاکستان حکومت بايد خپلې کورنۍ ستونزې خپله حل کړي او د دغه ستونزو مسوول یې د افغانستان حکومت نه دی.
ذبيح الله مجاهد ويلي، نه غواړي چې د پاکستاني طالبانو د تحريک او پاکستان حکومت ترمنځ د مذاکراتو زمينه برابره کړي.
نوموړي زياته کړې، افغانستان په هيڅ صورت د پاکستان د امنيتي ستونزو مسوول نهدی.
مجاهد زياته کړې، هېواد یې نه د کومې ډلې ملاتړ کوي او نه خپل هېواد کې د پنا ورکولو زمينه برابروي.
مجاهد همداراز ويلي، هند سره د افغانستان پیاوړې کېدونکې اړیکې د پاکستان په زيان نه دي.
هغه د پاکستان او افغانستان ترمنځ اوربند ته په اشارې ويلي، د دغه مذاکراتو دويم پړاو به ترکيه کې وشي چې پکې به د اوربند د هوکړې د ورستي کولو خبرې هم وشي.
نوموړي دغه راز ويلي، پاکستان افغانستان ته هغومره اړتيا لري، لکه څنګه چې يې افغانستان پاکستان ته لري.
نوموړي پرته له دې چې د کومې ډلې نوم واخلي، ويلي: ځيني خلک شته چې د کابل او اسلام اباد ترمنځ د اړيکو د پياوړتيا خنډ ګرځي.
د يادونې وړ ده چې اسلام اباد تل کابل د خپلو مخالفو ډلو په ملاټړ تورن کړی، هغه چې اسلامي امارت يې په پرلپسې توګه ردوي.
