ذ.م: د پاکستان پوځ د خپلو نا امنیو مسوول افغانستان ګڼي

د حکومت وياند د استانبول مذاکراتو د بې نتيجې پای ته رسېدو په غبرګون کې ويلي، پاکستان کې ځيني پوځي کړۍ هڅه کوي چې افغانستان د خپلو نا امنیو مسوول وښيي.
ذبيح الله مجاهد ويلي، پاکستان غواړي نړۍ ته وښيي چې د پاکستاني طالبانو تحريک د اسلامي امارت له واک ته رسېدو سره سم رامنځته شوی، خو دا خبر غلطه ده او دغه تحريک په ۲۰۰۲ زيږديز کال کې رامنځته شوی دی.
د مجاهد په خبره، د پاکستاني طالبانو د تحريک رامنځته کېدل د پاکستان د پوځ ناسم سياستونه وو‌.
نوموړي همداراز ويلي، که د پاکستاني طالبانو تحريک د نن خبره وي، نو ولې د پاکستان ډ پوځ زرګونه سرتيري له هغه تحريک سره کلونه وړاندي وژل شوي دي.
د افغانستان او پاکستان ترمنځ دغه ناندريو وروسته له هغې زور واخيست چې پاکستان کابل کې د نورولي مسيد د وژلو ادعا وکړه، هغه چې نورولي مسيد رد کړه.
که څه هم د افغان حکومت او پاکستان ترمنځ درې پړاوه مذاکرات وشول، خو د پاکستان د نا مسوولانه غوښتنو له امله یې نتيجه ورنکړه.
د يادونې وړ ده چې حکومت ويلي، له هيڅ چا سره جګړه نه‌غواړي، خو که بريد پرې کيږي په قاطع ډول ‌د ځواب ورکولو وړتيا لري.