کور او ښار جوړولو وزارت پر اېکس پاڼه خبر ورکړی چې د یاد ولایت د کور او ښار جوړولو ریاست د تخنیکي ډلې له لوري په زابل کې د کډوالو له پاره د يوه بل ښارګوټي د جوړېدو سروې ترسره شوې ده.
په خبرپاڼه کې راغلي چې ددغه ښارګوټي له پاره ۴۴۰۰ جریبه ځمکه له ثبتولو وروسته ټوفوګرافي سروې شوه چې پکې به د اوو زرو کډوالو کورنیو له پاره د اوسېدلو نمرې ورکول شي.
د زابل سربېره کور او ښارجوړونې وزارت اته نورو ولايتونو کې د کډوالو لپاره سه باندې ۲۸ زره جريبه ځمکه ځانګړې کړې ده.
یاده دې وي چې د کور او ښار جوړولو وزارت هڅه کوي په ۳۴ ولایتونو کې په جبري توګه راویستل شوو کډوالو ته د اوسېدلو منظم ځایونه جوړ او ګټې اخیستنې ته وسپاري.
