د کورنیو چارو وزارت سرپرست، سراج الدين حقاني ويلي، چين د افغانستان ښه ګاونډی دی.
دغه وزارت په یوې خبرپاڼه کې ويلي، چې سراج الدین حقاني نن شنبه (د سپتمبر ۱۷مه) افغانستان لپاره د چین له نوي ټاکل شوي سفیرسره تعارفي ناسته وکړه.
خبرپاڼه کې د سراج الدین حقاني له قوله ليکل شوي: «چین د افغانستان ښه ګاونډی دی او د خپل ښه دريځ په درلودلو سره يې افغانان پهخپل ښه نيت باوري کړي دي. ياد هېواد د افغانستان په اړه تل مثبت او ښه لید لوری درلودلی دی.»
سراج الدین حقاني افغانستان لپاره د چين د پخواني سفير ماموریت هم ستايلی دی.
کورنیو چارو وزارت وايي، افغانستان لپاره د چین نوي سفیر دواړه هېوادونه ښه ګاونډيان بللي دي.
ژیوچینګ ويلي، د افغانستان خپلواکي، معتقداتو او کلتور ته احترام لري او د دغه هېواد په کورنيو موضوعاتو کې د مداخلې هېڅ ارادهنلري.
د چين نوي ټاکل شوي سفیر د سپتمبر نهمه رئیس الوزراء ته خپل باورلیک وړاندې کړ او دنده یې پیل کړه.
