د سټنډرډ ملي ادارې پر خپله اېکس پاڼه ليکلي دي، چې هېواد ته یې د نفتي او غیر نفتي توکو د واردېدو مخنیوی کړی دی.
يادې ادارې ويلي، د نيمروز له بندره يې ۶۱ ټانکره بې کیفیته تېل او همداراز يې د تورغنډۍ له بندره ۶ ټانکره بې کیفیته تېل بېرته ګرځولي دي.
دغې ادارې همداراز زياته کړې، چې د فراه ۷۸ميل بندر کې يې ۱۴ ټنه بې کیفیته ګاډر هم بېرته ګرځولي دي.
دغې ادارې دا ندي ويلي، چې دغه توکي له کوم هېواد افغانستان ته واردېدل.
د يادونې ده، چې ياده اداره بار، بار له سوداګرو غواړي ترڅو هېواد ته د بې کیفیته توکو له راوړلو څخه ډډه وکړي.
