په غزني او زابل ولایتونو کې د ټرافیکو پېښو له امله ۵ کسان مړه او ۱۰ نور ټپیان شوي دي.
د غزني د عامې روغتیا ریاست د نشراتو مدیر حجت الله هاشمي وايي، د کابل-کندهار پر لویه لار د قره باغ ولسوالي په «کوتي» کلي کې د یوه موټر د چپه کېدو له امله دوه کسان مړه شوي او نهه نور ټپیان شوي دي.
ورته وخت کې د زابل د امنيه قومانداني مطبوعاتي مسوول ذبيح الله جوهر هم وايي، نن سهار د دغه ولايت د کابل – کندهار پر لويه لاره د شهر صفا ولسوالي په مربوطاتو کې د دوو موټرونو ترمنځ د ټرافيکي پېښې له امله درې کسان مړه شوي او يو بل ټپي شوى دى.
د دواړو پېښو لامل د موټر چلوونکو بې احتیاطي ښودل شوې ده.
