د غزني امنيه قومانداني د يوې خبرپاڼې په خپرولو سره ويلي، دغه ولايت کې په دوه جلا ترافيکي پېښو کې دوه تنه مړه شوي او اوه نور ټپيان دي.
د سرچينې په خبره ټپيانو کې ښځې او ماشومان هم شامل دي.
لومړۍ پېښه تېر ماښام د دغه ولايت په واعظ ولسوالي کې د يو ويډز او باروړونکي موټر د ټکر له امله شوې چې پکې دوه تنه مړه شوي او درې نور ټپيان دي.
د سرچينې د معلوماتو له مخې، دویمه پېښه نن ورځ د ياد ولايت قره باغ ولسوالي اړوند (عبدالله ګل) سيمه کې د يوه بار وړونکي موټر د ښوییدو له امله شوې چې پکې څلور تنه ټپيان دي.
د يادوني ده چې په دې وروستيو کې د کابل _ کندهار په لويه لاړه ترافيکي پېښې ډیرې شوي چې ډېری قربانيان دي ملکي وګړي دي.
