کابل (کوه نور، ۲۷ سنبله ۱۴۰۴): فرا کې د درې زره امریکایې ډالرو په پانګونه د وړو د تولید یوې کارخونې نن د دې ولایت د ځایې مسوولانو او یو شمېر سوداګرو په شتون کې په کار پیل کړی دی.
د فرا د صنعت او سوداګرۍ ریئس شمس الحق اجمل د دې کارخونې د پرانېستې مراسمو کې ویلي، د وړو د تولید دا کار خونه د یوه ملي سوداګر په شخصي لګښت د شپږو میاشتو په موده کې جوړه شوې ده.
اجمل ویلي، د دې کارخونې له جوړېدو سره د سیمې ۲۵ تنه ځوانان په کار اخته شوي دي.
د وړو د کارخونې مسوول محمد داود د پرانېستې مراسمو کې ویلي، چې دا کار خونه په ۲۴ ساعتونو کې د ۸۰ ټنه وړو د تولید وړتیا لري.
داود ویلي، که ورته د برېښنا برخه کې شته ستونزې هوارې شي؛ نو کولای شي، چې تولیدات یې تر دې هم ډېر او وړه نورو بهرنیو هېوادونو ته هم صادر کړي.
باید وویل شي، چې د دې کارخونې تر پرانیستل کېدو وړاندې د خصوصي سکتور برخه کې فرا ولایت کې د وړو یوې بلې کارخونې هم په کار پیل کړی و.
