له تېرې ورځې راهيسې د واورې او باران له امله يوولس تنه مړه شوي

 له پېښو سره د مبارزې او چمتوالي ملي ادارې خبر ورکړی، چې له تېرې ورځې راهيسې د هېواد په په بېلابېلو ولايتونو کې د واورې او باران له امله يوولس تنه مړه شوي دي.

د دغې ادارې وياند ويلي، دغه کسان په باميان، پروان، کندهار، ميدان وردګ، جوزجان او فارياب ولايتونو کې مړه شوي دي.

نوموړي همداراز ويلي، په همدې موده کې ۹ کورونه ويجاړ شوي او له ۵۰۰ ډېر څاوري هم تلف شوي دي.

د يادونې ده، چې لا هم د واورو له امله د هېواد لويې لارې او د ځينو ولسواليو لارې تړل شوي دي‌.