د لوړو زده کړو وزارت پر اېکس پاڼه خبر ورکړی چې د ټولو دولتي تحصیلي مرکزونو، د ښوونې او روزنې او ساینس پوهنځیو لپاره د مجهزو او پر وسایلو د سمبالو لابراتوارونو لپاره یې د ۲۷۰ میلیونه افغانیو په ارزښت د لابراتوار وسایل پېرلي دي.
د یاد وزارت د مسوولانو پر وینا چې په پېرل شوو وسایلو کې لوی او کوچني ماشینونه او د تجربو لپاره کیمیاوي وسایل شامل دي چې په نږدې راتلونکي کې به تحصیلي مزکزونو ته د استفادې لپاره ولېږل شي چې ورسره به د هر دولتي پوهنتون د محصلینو لپاره مجهز لابراتوارونه جوړ شي.
په خبرپاڼه کې راغلي چې د لوړو زده کړو وزارت به په دولتي پوهنتونو کې د مجهزو لابراتوارونو د جوړولو په برخه کې له اړتیا سره سم نورې اسانتیاوې هم برابرې کړي.
