لوړو زدکړو وزارت په يوه خبر پاڼه کې ويلي، د دغه وزارت سرپرست وزير د ترکيې له سفير جنکاونال سره ليدلي دي.
سرپرست وزير په دغه ليدنه کې ويلي، افغانستان له جګړو راوتلی هېواد دی په بېلابېلو علمي او تحصيلي برخو کې لا ډېرې همکاري ته اړتيا لري.
نوموړي دغه راز د افغانستان په پوهنتونونو کې د لېسانس او فوق لېسانس د پروګرامونو د ځواکمنتيا په برخه کې د ترکيې هڅې وستايلې او له خپل اړخه يې د همکاري ډاډ ورکړ.
وړانډې ليکل شوي، جنکاونال د لوړو زدکړو وزارت د تحصيلي پروګرامونو د پياوړتيا په برخه کې د لا همکاري ډاډ ورکړ او ويې ويل، هېواد يې چمتو دی ترڅو د پوهنتونونو د پرمختګ لپاره هڅې وکړي.
اونال همداراز د ساختماني انجينري، طب، زراعت او نورو برخو کې د تحصيلي بنسټونو يو پلاوي ته د بلنه ورکړې چې ترکیه کې د علمي ظرفيت لوړونې په برخه کې تجربې ترلاسه کړي.
