د لوړو زده کړو وزارت په ایکس پاڼه راغلي چې د یاد وزارت له عادې بودیجې ۲۳ میلیونه افغانۍ په لوکر ولایت کې د لوړو زده کړو موسسې د لیلیې د تعمیر او خوړنځای د ترمیمولو له پاره ځانګړې شوې.
ددغې پروژې د پیل په مراسمو کې د لوګر مرستیال والي مولوي محمد انور دین پرور خبرې وکړې او ویې ویل چې د لوګر لوړو زده کړو موؤسسې ته په هرځل راتګ، په علمي او زیربنایې برخو کې د پام وړ مثبت بدلونونو، پرمختګونو او د ودانیزو چارو د پراختیا شاهد یم او په طمع یم، چې یوه ورځ دغه د لوړو زده کړو مووسسه په پوهنتون بدله شي.
همدارنګه د یاد ولایت د لوړو زده کړو مووسسې ریس مفتي ضیاء الاحمد صارم د دغو پروژو د پیل په پار د لوړو زده کړو وزارت له مشرتابه څخه مننه وکړه او ویې ویل چې موږ لا هڅه کوو ترڅو د محصلینو له پاره تر دې ډېر خدمات وړاندې کړو، نوموړي له محصلینو وغوښتل چې له دې اسانتیاو څخه ښه ګټه پورته کړي.
باید وویل شي چې له دې وړاندې د لوګر لوړو زده کړو موسسه کې د یوه جومات جوړولو د پروژې چارې پیل شوې وې چې د مسوولانو په وینا نږې ۵۰ سلنه چارې یې پر مخ تللې دي.
