یاد وزارت په یوه خپره شوې خبرپاڼه کې ویلي، چې د ریاست الوزرا له حکم سره سم پر دولتي ادارو د یو شمېر قراردادي شرکتونو، حکمي او حقیقي اشخاصو د پاتې طلباتو، تضمیناتو او تامیناتو ورکړه تائيد شوې، چې د ملي بودیجې له اصولنامې سره سم به یاد پورونه ورکول شي.
خبرپاڼه کې وړاندې راغلي، چې تر دې مهاله یې د ۲۶ دولتي ادارو پاته طلبات، تضمینات او تامینات تثبت کړي دي.
خبرپاڼې زیاته کړې، چې د پاتې ادارو د طلباتو، تضمیناتو او تامیناتو تر تثبت وروسته به له اصولو سره سم د هغوی د ورکړې پروسه هم پیل شي.
دا په داسې حال کې ده، چې په تیر جمهوری نظام کې په یو شمېر وزارتو او دولتي ادارو باندې د ځینو قراردادي شرکتونو پورونه پاتي دي، چې اوس مهال اسلامي امارت غواړي چې د دغو قرار دادي شرکتو، حکمي او حقیقي اشخاصو ته له اصولو سره سم د هغوی پورونه ورکړي.
