د بهرنیو چارو وزیر وایي، اسلامي امارت له هېڅ هېواد سره د دښمنۍ نیت نهلري، خو که له بل لوري ورته ضرر واوړي، بیا یې زغم نهلري.
نوموړي دغه څرګندونې پر افغانستان د پخواني شوروي ځواکونو د یرغل د ۴۶مې کلیزې په مناسبت یوې غونډې ته وکړې.
متقي زیاته کړه، چې د افغانستان او تاجکستان ترمنځ پر پوله وروستیو پېښو ته جدي پاملرنه شوې، او له اړوندو ادارو سره د دقیقې ارزونې بهیر روان دی.
په تېرو نږدې ۳۰ ورځو کې لږترلږه درې امنیتي پېښې شوې چې له امله یې د تاجک ځواکونو ترڅنګ چینایي کارکوونکي هم زیانمن شوي.
تاجک چارواکو له افغانستانه د بښنې غوښتنه کړې او د پولهساتنې امنیتي میکانیزم د پیاوړتیا غوښتنه یې کړې ده.
متقي، پرته له دې چې کوم مشخص لوری وښيي، ویلي، ځینې کړۍ هڅه کوي د افغانستان او تاجکستان اړیکې زیانمنې کړي، خو په خبره یې چې دوی به د نورو پر ضد هیچاته د افغانستان له خاورې د ګټې اخیستنې اجازه ورنکړي.
