د سرپرست حکومت ویاند ذبیحالله مجاهد دملګرو ملتونو د سرمنشي مرستیال ولادمیر ورونکوف ادعا ته په اشارې سره ویلي، افغانستان کې د داعش په ګډون د نورو بهرنیو ترهګرو ډلو د فعالیت خبرونه بېبنسټه دي.
ذبیحالله مجاهد تېره شپه پر خپله اېکس پاڼه لیکلي: «اسلامي امارت چا ته اجازه نه ورکوي چې د افغانستان خاوره د کوم بل هېواد د امنیت پر ضد وکاروي.»
تر دې مخکې د ملګرو ملتونو د سرمنشي مرستیال ولادمیر ورونکوف، امنیت شورا ته ویلي وو چې د داعش ډلې د خراسان ولایت څانګه هڅه کوي چې ځان ته نور وسلهوال را جلب کړي.
خو مجاهد ویلي، په افغانستان کې هيڅ خپلسرې کورنۍ او بهرنۍ ډلې د فعالیت مجال نهلري.
د یادونې ده چې واک ته د اسلامي امارت له بیا ځل رسېدو را وروسته د سیمې هېوادونو په ځلونو له افغانستانه د ورپېښو ګواښونو په اړه اندېښنې شریکې کړې دي.
