خبریال: فرمان الله زبیرزی
د لوړو زده کړو وزرات خبر ورکړی، چې د میدان وردګو ولایت وردګ پوهنتون کې د ۱۸۰ میلیونو افغانیو په لګښت څلور پوړه لیلیې د جوړېدو چارې پیل شوي دي.
یاد وزارت پر خپله اېکس پاڼه لیکلي، چې دغه ليليه څلور پوړه او دوه بلاکونه لري او په یو وخت کې د یو زرو او ۶۰۰ محصلانو د اوسېدو ظرفيت لري.
د دې وزارت ویاند ضیاالله هاشمي ویلي، چې په یاد پوهنتون کې د ۴۳ میلیونه افغانیو په لګښت د ۱,۳ کیلومتره داخلي سړکونو، چې په اساسي ډول جوړ، د ۳۴ میلیونه افغانیو په لګښت د ۵۱۸ متره په اوږدوالي د سیلبورونو د تحکیم کارۍ پروژه، چې دواړو خواوو ته ۶ زره نیالګي او د اوبو قطره یي سیستم لري ګټې اخیستنې ته سپارلې دي.
د هاشمي پر وینا، او دغه پوهنتون کې هیې د ۱۴,۵ میلیونه افغانیو په ارزښت د کرنې پوهنځي ودانۍ د پاتې چارو بشپړولو او د ۳۹ میلیونه افغانیو په ارزښت د پوهنتون صحن د هموارۍ او پلې لارو جوړولو پروژو چارې پرانیستې دي.
