د ميدان وردګو د کرنې اوبو لګولو او مالدارۍ رياست مسوولانو ويلي، د دغه ولايت په ميدان ښار کې د يوې سړې خونې د بیارغونې چارې پيل شوې.
دغه سړهخونې چې مېوې به پکې ساتل کيږي د بیارغونې چارې يې د کرنې اوبو لګولو او مالدارۍ رياست لخوا پیل شوي.
د یادې خونې نيمايي کارونه د ترکيې هېواد لخوا ترسره شوي وو، چې پاتې يې د نوموړي رياست لخوا ترسره کيږي.
دا خونه به د ۵۰۰ ټنه مېوې د ساتلو ظرفيت ولري.
د يادونې ده، چې د ياد ولايت په سیداباد ولسوالۍ کې هم ورته سره خونه شته چې د ۱۰۰۰ ټنه مېوې ساتلو ظرفيت لري.
په افغانستان کې د سړو خونو د کمښت له امله هر کال ډیری مېوې په نازل قیمت ګاونډيو هېوادونو ته ځي چې کروندګر او بڼوالان يې له ستونزو سره مخ کړي.
