په هلمند ولایت کې یو ۶۰ کلن خاوند او مېرمن یې د نامعلومو کسانو له لوري وژل شوي دي.
سیمه ییز مسوولین وایي، پېښه تېره شپه د لښکرګاه ښار د دویمې ناحیې «کارت لګن» سیمه کې رامنځ ته شوې ده.
د هلمند د اطلاعاتو او کلتور ریاست مرستیال وحدت هلمندی وایي، د نجیب الله په نوم دغه خاوند او مېرمن یې په خپل کور کې د چړو د ګوزازونو په وسیله وژل شوي دي.
د سیمه ییزې سرچينې د معلوماتو له مخې، نجیب الله د هلمند ولايت د ناوې ولسوالۍ اصلي اوسېدونکى او د قوم له مشرانو څخه و.
که څه هم تر اوسه د پېښې انګېزه لا نه ده معلومه؛ خو ځایي چارواکي وایي، په تړاو یې دوه کسان نیول شوي دي.
په وروستیو کې د هېواد په بېلابېلو ولایتونو کې مرموزې او هدفي وژنې زیاته شوې دي.
په هېواد کې ډېر کله د دا ډول لامل پېښو لامل شخصي دښمني ګڼل کېږي.
