د ننګرهار ولایت مقام خبر ورکړی چې یاد ولایت کې د لس ښوونځیو لپاره د ودانیو جوړول چې ۱۰۵ میلیونه افغانۍ لګښت ورباندې راغلی وو جوړ او ګټه اخیستنې ته وسپارل شول.
د یاد ولایت په خبرپاڼه کې راغلي چې دغه لس ودانۍ چې د ۱۰۵ میلیونه افغانیو په لګښت جوړې شوي مصرف یې د جاپان هېواد لخوا ورکول شوی دی.
خبرپاڼه زیاتوي دغه ښوونځي دوه په کوز کنړ، دوه په دره نور، درې په حصارک، دوه په شېرزادو، او یو په خوږیاڼو ولسوالۍ کې جوړ شوی دی.
د خبرپاڼه د مالوماتو له مخې ددغه لس ښوونځیو لپاره د ودانیو جوړولو د پرانيستې مراستې پرون ورځ په کوز کنړ ولسوالۍ کې ترسره شول چې زرګونه زده کوونکو ته به یې ګټه ورسېږي.
