کابل (کوه نور، ۲۹ عقرب ۱۴۰۴): د ننګرهار شېرزاد ولسوالۍ اړوند د کلیو، بیارغونې او پراختیا ریاست لهخوا د ۱۵۲ بېلابېلو انکشافي پروژو د جوړولو چارې، چې ارزښت یې څه باندې ۱۴۷ میلیونه افغانیو ته رسېږې بشپړې او ګټې اخیستنې ته سپارل شوې دي.
د ننګرهار ولایت د کلیو، بیارغونې او پراختیا ریاست ویلي، یادو پروژو کې د اوبو کانالونو جوړول او پاککول، د کلیوالي سړکونو، پلچکونو او استنادي دیوالونو جوړول شامل دي.
سرچینې لیکلي، د دې پروژو د کار پر مهال سلګونو کارګرانو ته د کار زمینه برابره شوې او له بشپړېدو سره یې د یادې ولسوالۍ د خلکو چاپېریالي ستونزې حل شوې دي.
