د غزني اطلاعاتو او کلتور رييس حميدالله نثار وايي، تېره ورځ د دغه ولايت د ګېرو ولسوالي اړوند ځدران سيمه کې د يوه پخواني ماین د چاودنې له امله ۹ ماشومان وژل شوي دي.
هغه ویلي، د پېښې قربانیان څلور نجونې او پنځه یې هلکان دي.
سرچينه زياتوي، چاودنه هغه مهال رامنځته شوې چې ماشومانو په ماین لوبې کولې.
ورته مهال د هرات په کشک رباط سنګي ولسوالي کې هم يو تن د ماين چاودنې له امله وژل شوی او پنځه نور ټپيان ټپی شوي دي.
د مسولينو په خبره پېښه د یادې ولسوالۍ په خواجه تلختان سيمه کې رامنځه شوې ده.
د يادوني وړ ده چې په افغانستان کې هر کال له جګړو پاتې ماينونه او نور ناچاوده توکي د سلګونه ملکي وګړو د مرګ لامل کيږي چې ډیری هغه يې ماشومان دي.
خبرياله: حبيبه صها
