د هرات سیمهییز چارواکي وايي، دغه ولایت کې د یوه فلانکوچ ډوله موټر د چپه کېدو له امله یو تن مړ او ۱۵ نور ټپیان شوي دي.
دغه پېښه د هرات د کشک رباط سنګي ولسوالۍ په «یکه دوکان» کلي کې رامنځته شوې.
د کاپيسا د امنيه قومانداني وياند عبدالفتاح فائز هم وايي، د دغه ولايت په الهساى ولسوالۍ کې د یوه موټر چپه کېدو له امله د يوې ښځې په ګډون څلور تنه مړه شوي او شپږ نور ټپيان دي.
د يادو ولايتونو د چارواکو په وينا، ټپيان د درملنې په موخه روغتونونو ته لېږدول شوي دي.
دا پېښې داسې مهال رامنځته کېږي چې په دې وروستیو کې د هېواد په بېلابېلو ولایتونو کې ټرافیکي پېښې ډېرې شوې دي.
