د کانونو او پټروليم وزارت سرپرست ويلي، په نږدې راتلونکي کې به د هرات ولايت يوولس نفتي حوزې خصوصي سکتور ته وسپاري.
نوموړي دغه خبره د امو له نفتي حوزې څخه د ۶۰ زره ټنه استخراج شويو نفتو په داوطلبۍ کې کړې.
نوموړي ويلي، افغانستان به تر راتلونکو دريو کلونو د نفتو به برخه کې ځان بسياينې ته ورسيږي.
نوموړي ويلي، د خامو نفتو د پلورلو له امله تر دا وخته ۲۷ ميليون ډالره د دولت خزانې ته راغلي.
اوسمهال افغانستان د امو نفتي حوزې څخه په ورځني ډول زر ټنه نفت راباسي.
د کانونو او پټروليم وزارت وايي، روان کال به په امو نفتي حوزه کې ۲۴ نورې څاه ګانې وکيندي چې ورسره به د نفتو په کچه کې ډېروالی راشي.
د چين هېواد د افچين شرکت مشر د کانونو او پټروليم وزارت سره په ليدنه کې ويلي وو په امو نفتي حوزه کې ۲۲ نوې او دوه غیر فعاله څاه ګانې فعالوي چې ورسره به د نفتو د استخراج په کچه کې په ورځني ډول ۲۰۰۰ ټنه ډېروالی راشي.
