هوا پېژندنې ادارې ۲۷ ولایتونو کې د ورښتونو او سېلابونو راوتلو اټکل کړی

خبرياله نازو: عمري 

د ټرانسپورټ او هوايي چلند وزارت د هوا پېژندنې ریاست په کابل، کاپیسا، پنجشیر، پروان، بامیان، دایکندي، میدان وردګ، غزني، لوګر، خوست، پکتیا، پکتیکا، کندهار، هلمند، ارزګان، زابل، هرات، فراه، بادغیس، غور، سمنګان، سرپل، فاریاب، بغلان، ننګرهار، لغمان او نورستان ولایتونو او په سالنګونو کې د باران او واورې ورېدو او په ګرمو سیمو کې د سېلابونو د راوتلو اټکل کړی دی.

یادې ادارې له خلکو غوښتي چې د سیندونو غاړو او هغو سیمو ته چې د سېلاب راوتلو خطر په‌کې شتون لري، له نږدې کېدو ډډه وکړي.