اقتصادي معاونيت وايي، روان لمريز کال يې د برېښنا په برخه کې ۱۶ بېلابېلې پروژې پیل کړي دي چې یو شمېر يې بشپړې شوې دي.
د سرچینې د مالوماتو له مخې، په دغه پروژو کې د کمال خان بند پاتې چارو، د بخشاباد بند د عملي چارو، د شاه و عروس بند د پاتې چارو او په هرات ولايت کې د ۲۰۰ ميګاواټه بادي برېښنا د توليد د پروژې چارې پیلول شامل دي.
سرچینې وړاندې لیکلي، په همدې موده کې يې د هېواد له شمال څخه جنوب ته د ۵۰۰کيلو ولټه برېښنا لېږد مزي غځول، د کابل په شمول په ډېری ولايتونو کې د لمريزې برېښنا د توليد پروژې، کابل کې د سروبي دويم بند، ارزګان کې د آغاجان بند، ميدان وردګو کې د چک برېښنا بند، سرپل کې د سلطان ابراهيم بند، کونړ کې د مناګي بند او زابل کې د توري بند د جوړېدو کارونه پیل کړي دي.
اقتصادي معاونيت همداراز لیکلي، په ډېرو ولايتونو کې د برېښنا سب سټېشنونونه هم جوړ کړي دي.
وړاندې لیکل شوي، نږدې راتلونکي کې د کاسازر پروژې د عملي چارو د پیل هم ويلي دي.
