د ټولګټو وزارت وياند پر اېکس ليکلي، د دغه وزارت وزير د کابل - جلال اباد له دويم لين سرک له ۳۲ کيلو متره سرک څخه ليدنه کړې.
محمد اشرف حقشناس ليکلي، د دغه سرک چارې چې د کټنګ چارې يې تر ۴۰ مترو پورې رسېږي، ځيني برخې يې بشپړې شوي او د ځينو چارې جريان لري.
هغه همداراز زياته کړې، د دغه سرک په اوږدو کې پلونه، پلګوټي او استنادي ديوالونه هم جوړیږي.
سرچینې ليکلي، د دغه سرک د جوړېدو چارې په دوو برخو کې عملا جريان لري، او هڅه کوي چې په نړيوالو معيارونو برابر يې په ټاکلي وخت جوړ کړي.
حق شناس زياتوي، قراردادي شرکتونو ته د کار د ښه کيفيت سپارښتنه شوې او پرې ټينګار شوی، چې چارې پر وخت بشپړې کړي.
هغه زياته کړې، د دغه سرک په جوړېدو سره به د خلکو ګڼې ستونزې حل شي.
