د احصايې او معلوماتو ملي ادارې ويلي، تر اوسه په ټول هېواد کې ۱۵ ميليونه او ۱۸ زره کسانو ته برېښنايي تذکرې وېشل شوې دي.
سرچينې ويلي، له ياد شمېر کسانو څخه نهه ميليونه او ۶۷ زره نارينه او پنځه ميليونه او ۹۵۲ زره يې ښځينه دي.
وړانډې ليکل شوي، تر ټولو ډېرې شپږ ميليونه او ۲۲۵ زره کابل، يو ميليون او ۶۰۰۰ هرات، ۷۶۵ زره او ۲۵۶ ننګرهار، ۶۷۸ زره بلخ او سه کم ۵۲۶ زړه بیا کندهار کې وېشل شوي دي.
له سه باندې ۱۵ ميليونو وېشل شويو تذکرو کې شپږ ميليونه په تېر جمهوري نظام او نهه ميليونه بیا په اوسني سرپرست حکومت کې وېشل شوي دي.
بايد يادونه وشي چې تازه د يادې ادارې له لوري د تذکرو د اصلاح په موخه ولايتونو کې هم خدمات پيل شوي دي.
