خبريال: فرمان الله زبيرزی
د برېښنا شرکت خبر ورکړی، چې دپروان باریکاب ولسوالۍ صنعتي پارک کې د حکومت اقتصادي کمېسیون له لوري د ۳۶۰ میلیونو افغانیو په ارزښت له ۲۰-۲۲۰ کیلو ولټ برېښنا سبسټېشن جوړولو پروژه منظوره شوې ده.
برېښنا شرکت پر خپله اېکس پاڼه لیکلي، یاد سبستېشن کې د ۱۲۶ مېګاولټ امپایر په ظرفیت دوه ټرانسفارمرونه، ۱۲ خروجي فیډرونه او یو لین جوړول شامل دي.
د سرچینې دمعلوماتو پر اساس، د دې سبسټېشن له جوړېدو سره به نه يوازې د پروان ولايت صنعتي پارک ته؛ بلکې ګڼو هستوګنيزو کورونو، سوداګريزو مرکزونو، روغتيايي ادارو او نورو اړونده برخو ته دوامداره برېښنا برابره شي
باید وویل شي، چې دیا د سبسټېشن دجوړلو چارې به په ۱۸ میاشتو په موده کې بشپړې شي
