د پنجشېر مستوفیت ادارې مسوولان وایې چې د روان ۱۴۰۳ کال په تېرو نهو میاشتو کې یې ۹۳ میلیونه افغانۍ عواید راټول کړي دي.
ددغه ولایت د مستوفیت ادارې د عوایدو مدیر لطف الله باور وایې چې یادې ادارې د روان کال په تېرو نهه میاشتو کې د سیمه یزو ادارو، خصوصي شرکتونو، اصنافو او ځینو نورو بېلابېلو عایداتي سرچینو څخه ۹۳ میلیونه افغانۍ عواید راټول او د دولت خزانې ته سپارلي دي.
باور وایې په دغه ولایت کې عواید په شفاف ډول راټولېږي او په وینا یې چې هڅه کوو ترڅو د عوایدو کچه تر ټاکل شوې اندازې لوړه کړو.
نوموړي ویلي د پنجشېر مستوفیت ادارې تل د عوایدو په راټولونه کې جدي څارنه کړې ترڅو عایداتې سرچینې په اغېزمنه توګه مدیریت شي.
