د پکتيا ځايي مسوولان د دغه ولايت په يحيیخېلو ولسوالي کې د یوې نوې ناروغۍ د خپرېدو خبر ورکوي.
د دوی په وينا، د يادې ناروغۍ په درملنه کې د پکتيا روغتياپالان هم پاتې راغلي چې ورسره يې د خلکو اندېښنې زياتې کړي دي.
همداراز، تراوسه د دغې ناروغۍ له امله اته ماشومان مړه شوي دي.
ځايي خلک وايي، پر ماشومانو يې داسې ناروغي ګډه شوې چې پر بدن یې دانې راخيژي او شديده تبه یې د بدن ځينې برخې له فعاليته غورځوي چې په پايله کې د ماشومان د مړينې لامل ګرځي.
تراوسه د دې ناروغۍ په اړه د پکتيا روغتياپالانو او د عامې روغتيا رياست څه نه دي ويلي.
