ټاکل شوې چې ملګري ملتونه په نږدې راتلونکي کې د افغانستان په اړه غونډه جوړه کړي.
د افغانستان لپاره د روسیې ځانګړي استازي ضمیر کابلوف د دغه هېواد ټاس خبري اژانس ته ویلي چې په دې ناسته کې به د افغانستان پر اقتصادي، بشري وضعیت او یو شمېر نورو موضوعاتو خبرې وشي.
هغه د دغې ناستې د وخت او ځای په اړه نور څه نه دي ویلي.
نوموړي په یاده ناسته کې د سرپرست حکومت د استازي د ګډون او نه ګډون په اړه څه نه دي ویلي.
ملګرو ملتونو تر دې وړاندې تېره می میاشت کې هم د افغانستان په اړه ناسته کړې وه.
د یادونې وړ ده چې د یاد سازمان په ډېرو ناستو کې په افغانستان کې د پراخ بنسټه حکومت جوړېدو، د ښځو کاري حقونو او زده کړو غوښتنې کېږي.
