د کابل د امنیه قومانداني وياند خالد ځدراڼ وايي، نن سهار د کابل ښار د ۱۷مې حوزې اړوند خیرخانې کوتل سیمه کې د مارسيډيز او سراچې موټرو د ټکر له امله ۳ کسان مړه شوي دي.
ښاغلی ځدراڼ زیاتوي، په دې پېښه کې د ۹ مېرمنو په ګډون ۱۲ کسان ټپیان شوي هم دي.
ورته وخت کې د کابل - ګرديز پر لويه لار هم یو سراچه موټر له لارۍ سره ټکر کړی چې له امله يو کس مړ او ۳ نور ټپيان شوي دي.
دغه پېښه تېره شپه د کابل- ګرديز پر لویه لار د لوګر اړوند التمور سيمه کې رامنځته شوې ده.
د پېښې ټپيان د درمنلې په موخه د پکتيا حوزوي روغتون ته لېږدول شوي دي.
