ارګ یوه خبرپاڼه کې ویلي چې د افغانستان لپاره د ايران نوي سفير د رییسالوزرا له سیاسي مرستیال سره کتنه کې د دواړو هېوادونو د اړیکو په پراختیا او اقتصادي همکاریو پر زیاتوالي ټینګار کړی او ويلي یې دي چې د چابهار بندر فعالول او پرانیستل به یې د هڅو په سر کې وي.
هغه سیاسي مرستیال ته بلنه ورکړې چې په مناسب وخت کې تهران ته سفر وکړي.
سیاسي مرستیال ویلي، سرپرست حکومت له ایران سره د اقتصادي او سیاسي همکاریو د پراختیا غوښتونکی دی او اجازه نه ورکوي چې له هېوادونو سره اړیکې یې د نورو له لوري تر تاثیر لاندې شي.
نوموړي غوښتنه کړې چې ایراني پانګوال او سوداګر دې افغانستان کې پانګونه وکړي.
