کندز کې د مالوچو یو مارکيټ اور اخیستی

د کندز ولایت ځايي مسؤولان وايي، تېره شپه «یکشنبه د اکتوبر۲۹مه» شاوخوا ۲ بجې د کندز ښار د کابل بانک کوڅه کې د مالوچو یو مارکیټ اور اخیستی دی.
د کندز د امنیه قومندانۍ ویاند جمعه‌الدین خاکسار وايي، دغه اور لګېدنه کې چاته ځاني زیان نه دی اوښتی خو په خبره یې پریمانه مالي زیان یې اړولی دی.
د هغه په خبر دغه اورلګېدنه وروسته له هغې رامنځته شوې چې هلته د ډيزلې بریښنا یو ماشین له ګرمېدو وروسته اور واخیست.
تراوسه مالومه نه ده چې په دغه پېښه کې هټۍ والو ته څومره مالي زیان اوښتی دی.