د سرپرست حکومت د اوبو او انرژۍ وزارت په ځانګړې بودیجه کندهار کې د ډهلي بند د بېلابېلو برخو د جوړېدو چارې د ۱۰ میلیونه افغانیو په ارزښت پیل شوې دي.
یاد وزارت وایې چې په دغه پروژه کې د بند د پارچاوۍترمیم، د بند د یوې برخې ډکول او لېول کول، د دروازو پورته کول، د جنراتور له پاره د خونې جوړول، هایدرولیکي دروازې جوړول، د سیفون تحکیم کاري، د پارک تشنابونه جوړول، د پارک ابیارۍ کانال جوړول، د پارک بېلابېلو طرفونو ته د اوبو رسولو په موخه د پایپ کشول، د سړک جوړول، د بند له پاره ځینې تخریب شوي استنادي دېوالونه جوړول، د وال هوس شاوخوا فینس دېوال جوړول او ځینې نور کارونه شامل دي.
د مسوولانو په وینا ددې پروژو چارې به په درې نیمو میاشتو کې بشپړې شي.
