د کندهار د کرنې، اوبو لګولو او مالدارۍ ریاست مسولان وایې چې د یاد ولایت په خاکریز ولسوالۍ کې د ملګرو ملتونو د پراختیایې پروګرام(UNDP)په مالي ملاتړ د ۱۶ میلیونه افغانیو په ارزښت د یو چک ډیم د جوړولو کارونه پیل شوي دي.
دغه ریاست په یوه خبرپاڼه کې ویلي چې ددې چک ډیم د جوړولو له پاره ۱۵ میلیونهاو ۹۸۹ زره افغانۍ ځانګړې شوې دي او کارونه به یې په نږدې یوه میاشت کې بشپړ شي.
په خبرپاڼه کې راغلي چې د یاد چک ډیم په جوړولو کې ۸۰ تنو ته د کار کولو زمینه برابره شوې ده.
دا خبر داسې مهال نشرېږي چې له دې مخکې په خاکریز ولسوالۍ د ۳,۶ میلیونه افغانیو په ارزښت د یو چک ډیم د جوړېدو کارونه پیل شوي و.
