روغتيا نړيوال سازمان اعلان کړی چې د ماشومانو د ملاتړ صندوق (يونېسف) سره په همکاري یې د افغانستان په اوولس ولايتونو کې ۸.۹ ميليونه ماشومانو ته د شري واکسین کړي دی.
دغه سازمان زياته کړې، ياد واکسين د افغانستان په سړو سيمو کې له شپږ مياشتني تر لس کلنې پورې ماشومانو ته شوی دی.
سرچینې ليکلي، افغانستان کې د شري پېښې زياتې شوي، ۲۰۲۳ کال کې۱۲۷، خو دغه تعداد بيا په ۲۰۲۴ کال کې ۴۳۰ ته لوړ شوی وو.
هېواد کې د يونېسف استازي ويلي، هيڅ ماشوم بايد د هغه ناروغيو له امله چې په واکسين يې مخنيوی کيږي، مړ نه شي.
دا په داسې حال کې ده چې څو ورځې وړاندې د روغتيا نړيوال سازمان اعلان وکړ چې په ژمي کې د شري ناروغي په چټکۍ سره خپريږي او له خلکو يې غوښتل چې خپل ماشومان واکسين کړي.