ټرمپ: که مونږ ګرینلینډ ونه نيسو؛ نو چين يا روسيه يې نيسي
January 14, 26
Hamdullah Danish
د امريکا ولسمشر ډونالډ ټرمپ يو ځل بيا د ګرینلینډ په لاسته راوړلو ټينګار کړی او دغه سيمه يې د خپل ملي امنيت لپاره مهمه بللې ده.
ټرمپ ويلي، که امريکا اوس د ګرینلینډ د نيولو موضوع پرېږدي، نو پر دغه سيمه به چين يا هم روسيه خپل کنټرول لاندې راولي.
هغه زياته کړې، هیڅ کوم کار بايد د دې لامل نشي، چې ګرینلینډ دې د امريکا له لاسه ووځي.
هاخوا بيا ډنمارک د ټرمپ دغه ډول څرګندونې غندلي او ويلي يي دي، چې دغه سيمه به د هيچا واک کې ورنکړي.
د يادونې ده چې ډېری اروپايي هېوادونو د ټرمپ دغې پریکړې سره مخالف ښودلی؛ خو ټرمپ بيا دغه چاره د ناټو د پياوړتيا لپاره هم مهمه بللې ده.
