په تېر ۲۰۲۵ کال کې ۸۵ افغانان په ایران کې اعدام شوي
February 12, 26
KohiNoor
خبرياله: نازو عمري
د ایران د بشري حقونو سازمان وایي، چې په تېر ۲۰۲۵ کال کې له ۸۵ ډېر افغان کډوال د ایران له لوري اعدام شوي دي.
د یاد سازمان مشر، محمود امیري مقدم، ویلي چې دا شمېره په تېرو پنځلسو کلونو کې تر ټولو لوړه بلل کېږي.
د نوموړي په وینا، اعدام شوي کسان د نشهيي توکو د قاچاق، جنسي تېري او قتل په تورونو محکوم شوي وو.
امیري مقدم دغه شمېرې ازادي راډیو ته په خبرو کې تایید کړي دي.
دا په داسې حال کې ده، چې تېره ورځ په ایران کې د درې افغانانو په ګډون ۱۴ کسان اعدام شوي دي.
