مجاهد: د پاکستان تازه بریدونه به بې ځوابه پاتې نه شي
March 13, 26
KohiNoor
د حکومت وياند، ذبیح الله مجاهد، پر افغان خاوره د پاکستان د وروستیو بریدونو په غبرګون کې ویلي چې دغه بریدونه به بې ځوابه پاتې نه شي.
مجاهد پر خپله اېکس پاڼه زیاته کړې چې پاکستان د انساني اصولو او اخلاقي ارزښتونو درناوی نه کوي.
د یادونې وړ ده چې د پاکستان پوځ تېره شپه یو ځل بیا د کابل، کندهار، پکتیا او پکتیکا ولایتونو پر ځینو سیمو بریدونه کړي دي.
د لومړنیو معلوماتو له مخې، په دغو بریدونو کې درې ملکي وګړي شهیدان شوي او ۱۵ نور ټپیان دي.
