د امریکا د مرکزي قوماندانۍ ستنکام ویلي چې د ایران پر بندرونو بشپړه سمندري محاصره عملي شوې ده. 

د دغه قوماندانۍ په وینا، امریکايي ځواکونه په منځني ختیځ کې سمندري برتري لري او په لنډ وخت کې یې د ایران له سمندري لارو اقتصادي تګ راتګ درولی دی.

د معلوماتو له مخې، د ایران شاوخوا ۹۰ سلنه اقتصاد د سمندر له لارې نړیوال تجارت پورې تړلی دی، او دا محاصره کولی شي د دغه هېواد پر اقتصاد جدي اغېز وکړي.

ستنکام زیاتوي چې د محاصرې له پیل څخه لومړنیو نږدې ۳۶ ساعتونو کې، ټول هغه سوداګریز فعالیتونه درول شوي چې د سمندر له لارې ایران ته داخلېږي او یا ترې وځي.