د‌ هند کرکټ ملي لوبډلې د ۲۰۲۵ اسيا جام سياليو پای لوبه وګټله.

دغه لوبه تېره شپه د کرکټ د دوه سرسختو رقيبانو، هند او پاکستان ترمنخ د متحده عرب اماراتو په کوربه توب ترسره شوه.

ياده لوبه کې هند د لوبې پچه وګټله او پاکستان ته یې د توپ وهنې بلنه ورکړه.

پاکستانۍ لوبډلې د لوبې وروستي اور کې خپلې ټولې ويکټې له لاسه ورکړې او هند ته يې د ۱۴۷ منډو هدف وټاکه.

د پاکستان لپاره صاحبزاده فرهان له نورو ډېرې ۵۷ منډې وکړې او د هند لپاره بیا کولديپ يادوف، چکرواتي، بومرا او اکسر پټيل دوه - دوه ويکټې ترلاسه کړې.

هند د پاکستان هدف د ۹۱.۴ اورونو په لوبولو او د پنځه ويکټو په زيان پوره کړ.

دغه سیالۍ د روانې مياشتې په نهمه نېټه پيل شوې وې چې د هند په اتلولي پای ته ورسېدې.

ياده دې وي چې افغان کرکټ ملي لوبډله هم په‌ دغه سياليو کې وه، خو د ټورنمنټ په لومړي پړاو کې بهر شوه.