خبرياله: نازو عمري 

له ماشومانو د ملګرو ملتونو د ملاتړ صندوق( یونېسف) په خپل تازه راپور کې ویلي، چې له افغان ماشومانو دملاتړ لپاره شاوخوا ٩٥٠ میلیونه ډالرو ته اړتيالري.

 یاد صندوق اقتصادي ستونزې، اقلیمي بدلون، بنسټیزو خدماتو ته محدود لاسرسی او د ملاتړ نشتون یې له هغو مسایلو یاد کړي، چې د میلیونونو ماشومانو او کورنیو ژوند یې له ګواښ سره مخ کړی.

یونېسف همدا راز دماشومانو له ملاتړ او هغوی ته دژوند او زده کړو د اسانتیاوو برابرېدو په موخه له نړیوالې ټولنې د مالي مرستې غوښتنه کړې ده.