د پاکستان د لومړي وزیر ویاند مشرف زيدي ويلي، پاکستان چمتو دی، چې د اړتيا په صورت کې له سعودي عربستان سره هر ډول مرسته وکړي.

نوموړي ويلي، د سعودي عربستان او پاکستان ترمنځ دفاعي همکاري نوې نه ده؛ بلکې له پخوا راهیسې له یو بل سره همکار پاتې شوي دي.
دغه څرګندونې داسې مهال کيږي، چې ايران له تېرو دولسو ورځو راهيسې سعودي عربستان کې د امريکا اډې په نښه کړي، هغه چې پاکستان يوازې غندلي دي.

د يادونې ده، چې پاکستان او سعودي عربستان د دفاعي همکاري تړون لري او دواړه هېوادونه يو له بل سره د برید په صورت کې مرسته کوي.