د امریکا د بهرنیو چارو وزارت ويلي، چې له کويټ، قطر، عربي اماراتو او اسرائیلو سره يې ۸.۶ میلیارده ډالرو څخه زیات د پوځي تجهیزاتو پلور تصویب کړی دی.

دغه وزارت زياتوي، چې دې پوځي تجهیزاتو کې د هوايي او توغندیز دفاع سیستمونه، د قوماندې او کنټرول سیستمونه، او دقیق هدایت لرونکي وسلې شاملې دي.

په خبر پانه کې راغلي، چې قطر ته به ۴٫۱ ميليارد ډالرو په ارزښت پاتریوت» هوايي او توغندیز دفاع سیستم د بیا اکمال خدمتونه وپلوري. د کویټ په بسته کې د ۲.۵ میلیارده ډالرو په ارزښت یو مدغم جګړه‌ییز قوماندې سیستم شامل دی.

سرچینې دمعلوماتو پر اساس، اسرائيلو ته به د يو مليارد ډالرو په ارزښت پر مختللې دقیق هدف‌وېشتونکي وسلو سیستم (اې‌پي‌کې‌ډبلیو‌اېس) ورکړل شي.