د هېواد پخواني ولسمشر حامد کرزي پر پکتیکا، پکتیا او کونړ ولایتونو د پاکستاني پوځي رژیم وروستي هوايي بریدونه په سختو ټکو غندلي دي.
کرزي ویلي، دغه بریدونه د افغانستان پر ملي حاکمیت ښکاره تېری او د بشري حقونو له اساسي اصولو سره په ټکر کې دي.

نوموړي ټینګار کړی، چې د ملکي وګړو په نښه کول د منلو وړ نه دي او دا ډول اقدامات د سیمې د ناامنۍ او بې‌ثباتۍ لامل ګرځي.

هغه د قربانیانو له کورنیو سره د خواخوږۍ څرګندولو ترڅنګ له پاکستانه غوښتي، چې له شخړه‌پاروونکو او دوه‌مخیزو سیاستونو لاس واخلي او له افغانستان سره د ښه ګاونډیتوب او نیکو اړیکو پر بنسټ تعامل غوره کړي.