د منځني ختیځ ځینو هېوادونو له امریکا غوښتي، چې پر ایران دې خپل بریدونه دوامداره وساتي.
 آسوشیټېدپرس د راپور له مخې، سعودي عربستان او متحده عربي اماراتو ډونالډ ټرمپ ته ویلي، چې ایران اوس هم د هوايي بریدونو وړتیا لري او باید تر پوځي فشار لاندې وساتل شي.
هممهاله بحرین او کوېټ هم ټینګار کړی، چې جګړه باید تر هغه وخته دوام وکړي؛  تر څو چې د ایران په رهبرۍ او سیاستونو کې بدلون رامنځته نه شي.
راپور زیاتوي، چې متحده عربي اماراتو په ایران کې د ځمکنیو عملیاتو غوښتنه هم کړې ده.
دغو هېوادونو تراوسه په دې اړه رسمي څه ندي ویلي.